Делчево ќе ги дислоцира старите и хаварисани возила
Во Делчево започнува акција за дислоцирање на старите и хаварисани возила од јавните површини.
Иницијативата е на Општина Делчево од каде велат дека истата се реализира со цел да се подобри безбедноста на пешаците и почиста животна средина.
Паркирањето вакви возила на јавни површини е строго забрането, бидејќи, освен што ја нагрдува сликата на општината, го попречува и одвивањето на сообраќајот и ја загрозува безбедноста на учесниците во сообраќајот, посебно пешаците, но ја загрозува и негативно влијае врз животната средина, истакнаа од Општината.
Со оваа одлука се опфатени и сопствениците на земјоделска механизација и други приклучни машини кои се поставени на јавни површини.
Тука спаѓаат хаварисани, нерегистрирани возила, приклучни возила и земјоделски машини и механизација кои се поставени на јавни површини кои е потребно да бидат отстранети од јавните површини на територијата на Општина Делчево, додадоа од Општината.
Сопствениците на хаварисани возила, машини и опрема потребно е сами да ги отстранат, во спротивно како што додадоа ќе бидат отстранети од надлежните служби.