Како што објавија од фудбалскиот клуб Вардар, нов голман на екипата е 29-годишниот Давор Талески. Доаѓа од екипата на Шкендија, а во Првата македонска фудбалска лига (ПМФЛ) до сега има забележано 165 настапи во кои на 57 ја има сочувано својата мрежа.

Исто така чуварот на мрежата беше дел и од Победа, Струга, Пелистер, Металург, 11 Октомври, и како интернационалец во екипите на Хонка во Финска и Лариса во Грција.

Ги има поминато сите младински селекции на репрезентацијата на Македонија, а бил дел и од најсилната А селекција, но засега без официјален настап.

Претходно скопските „црвено-црни“ ангажираа уште неколку засилувања, Едиз Спахиу и Димитар Тодоровски, Мите Цикарски и Георгије Јанкулов, Михаил Маневски и Михал Пинтер, а се разделија со Сеук Гун Ким.

Фудбалерите на Вардар во Анталија, Турција, ќе одигра пет пријателски натпревари во подготовките за пролетниот дел од сезоната.