Диого Далот потпиша нов договор со Манчестер јунајтед кој ќе важи до 30 јуни 2028, со опција соработката да биде продолжена на уште една година.

Овој 24-годишен одбранбен играч запиша 107 настапи за клубот од „Олд Трафорд“ и воедно има 11 настапи за репрезентацијата на Португалија.

– Да се игра за Манчестер јунајтед е една од најголемите почести што може да ги имате во фудбалот. Споделивме неколку фантастични моменти во изминатите пет години, а јас пораснав толку многу и мојата страст за овој неверојатен клуб се зголеми од денот кога дојдов – рече Далот за клупскиот сајт.

Џон Муртоу, фудбалскиот директор на Манчестер јунајтед вели дека Диого е одличен дефанзивец, со одлична комбинација на темпо, сила и разноврсност.

Сезонава со „црвените ѓаволи“ успеа да го освои првиот трофеј освојувајќи го англискиот Лига куп.