Дали е тоа птица, можеби авион? Не, тоа е Кристијано Роналдо! (ВИДЕО)
Кристијано Роналдо и денеска се запиша во листата на стрелците во гостинскиот триумф на Јувентус кај Сампдорија со резултат 1:2.
Сите голови беа реализирани во првото полувреме, поведе италијанскиот шампион со прекрасниот погодок, волеј на Дибала во 19. минута од средбата.
Sampdoria vs Juventus 1-2 all goals extended highlights 2019https://t.co/HECf0AvTI3
The match that made this happen#Ronaldo pic.twitter.com/8aBZwvaBq6— Obiyo Emmanuel (@PrinceManny00) December 19, 2019
На стадионот „Луиџи Ферарис“ домаќините ја казнија невнимателноста во одбраната на Јуве и успеаја да израмнат преку Капрари за радост на трибините.
Непосредно пред паузата конечниот епилог го постави Кристијано Роналдо. Алекс Сандро по вторпат беше асистент, убаво го пронајде Португалецот, а овој високо скокна, превисок за домашните дефанзивци и со глава ја затресе мрежата на Аудеро.
После 17 одиграни натпревари, „Старата дама“ повторно е на врвот во Серија А со 42 бодови, три повеќе од Интер кој својот меч ќе го има за три дена дома против Џенова на нашиот Горан Пандев.