Чоколадни топчиња со Нутела: Најлесен рецепт за десерт кој сите ќе го обожаваат
Чоколадото и лешникот се совршен пар, па не е чудно што тие се протагонисти на бројни десерти. Овие топчиња не се исклучок.
Чоколадните топчиња со Нутела се направени од само пет состојки. Не мора да ги печете, а рецептот ќе го совладаат и најголемите аматери во кујната. Потребно е чоколадото да се стопи, павлаката да се загрее, лешниците да се исецкаат ситно, а потоа да се измешаат сите состојки.
Најтешкиот дел од подготовката е да се чека топчињата да се стврднат и да бидат подготвени за сервирање.
Состојки:
250 г чоколадо за готвење
120 мл слатка павлака за шлаг
100 г Нутела
50 г печени лешници
30 г путер
Подготовка:
1. Чоколадото искршете го на мали парчиња и стопете го во пареа или микробранова печка. 60 секунди во микробранова ќе бидат доволни за целосно да се стопи чоколадото.
2. Чоколадото убаво измешајте го и оставете го на страна.
3. Во тенџере загрејте ја павлаката за готвење.
Загреаниот шлаг прелијте го врз чоколадото и измешајте сè додека не се соединат состојките.
4. Измешајте Нутела и путер на собна температура во чоколадната смеса.
5. Додадете ситно сечкани лешници и сè убаво измешајте.
6. Добиената смеса покријте ја со пластична фолија и ставете ја во фрижидер да се стегне околу половина час.
7. Од изладената смеса формирајте мали топчиња – за секое топче употребете околу една кафена лажичка од смесата. Ќе забележите дека смесата ќе биде доста леплива, па работете што е можно побрзо.
8. Топчињата ставете ги во фрижидер да се стегнат уште триесет минути, па послужете ги. Добар апетит!