Доколку законот за климатска неутралност (Зелениот договор на ЕУ) до 2050 година стапи на сила во својот сегашен облик во Бугарија најпогодени ќе бидат секторите сообраќај и рударстви.

Бугарија ќе изгуби од 90 до 150 илјади работни места, изјави претседателот на Конфедерацијата на независни синдикати, Пламен Димитров.

Според претседателот на Асоцијацијата на индустриски капитал во Бугарија, Васил Велев, металскиот сектор и делови од хемиската индустрија ќе изгубат од „Зелениот договор“, бидејќи имаат голема потрошувачка на електрична енергија, а поради нејзината висока цена ќе станат неконкурентни, пренесува Бугарското национално радио.

Социјално – економскиот совет смета дека Бугарија ќе биде меѓу најпогодените земји во ЕУ што се однесува до идните промени поврзани со „Зелениот договор“.