Бројот на загинати во железничка несреќа во Грција се искачи на 40, соопштија претставници на противпожарната бригада и полиција на Грција.

Според грчките медиуми, се проценува дека бројот на загинати ќе се зголеми. На лекување се 72 повредени, од кои шестмина се на интензивна нега. Претходно грчката државна телевизија ЕРТ објави дека меѓу 50 и 60 лица се уште се водат како исчезнати.

Грчкиот министер за инфраструктура и транспорт Костас Караманлис поднесе оставка, а премиерот Киријакос Мицотакис, по посетата на местото на несреќата, трагедијата ја опиша како „неопислива“ и изрази искрено сочувство до роднините на жртвите.

„Наша должност сега е да ги лекуваме ранетите и да бидеме со нив. Можам само да гарантирам дека ќе ги дознаеме причините за оваа трагедија и ќе направиме се што е во наша моќ за да не се повтори никогаш“, напиша тој на Твитер.

ВИДЕО | Најмалку 32 загинати и 85 повредени во железничката несреќа во Грција