Во неделниот натпревар селекцијата на Македонија ќе настапи со три промени во однос на претходниот дуел одигран против Турција во Ескишехир.

На местото на Стојанче Стоилов, кој имаше операција, ќе настапи Горан Крстевски, Дарко Димитриевски ќе биде замена на повредениот Милорад Кукоски, а Мартин Серафимов доаѓа на местото на Томислав Јагуриновски.

Мечот ќе се игра в недела со почеток од 18:00 часот во салата „Парк“, Струмица.

Судии на овој меч ќе бидат Радојко Бркиќ и Андреј Јусуфхоџиќ, и двајцата од Австрија, додека за ЕХФ-делегат е назначен Небојша Вујисиќ (Црна Гора).

Целта на нашите најдобри ракометари е со победа да го завршат квалификацискиот циклус и воедно им се реваншираат на Грците за поразот во Кожани.