Борусија Дортмунд ќе добие понуда од 130 милиони евра за Џуд Белингем?!
Џуд Белингем, фудбалерот на Борусија Дортмунд, и натаму останува една од желбите на Реал Мадрид. Флорентино Перез, претседателот на шпанскиот клуб подготвува големо лето годинава кое ќе се прераскажува, пишуваат шпанските медиуми.
„Марка“ пренесува дека бундеслигашот за својот играч ќе добие понуда од 130 милиони евра. Првиот човек на „кралевите“, Перез верува во добрите односи со раководството на Дортмунд и дека ќе го ангажира играчот од средниот ред пред Ливерпул која исто така ја следи ситуацијата со Англичанецот.
Доколку Белингем се одлучи да се пресели на „Сантјаго Бернабеу“, тоа значи дека пред излезните врати ќе биде Тони Крос или Лука Модриќ.
🚨| Real Madrid are willing to pay €130m for Bellingham. €100m fixed and €30m in add-ons. @marca #rmalive
— Madrid Zone (@theMadridZone) February 14, 2023
И Германецот и Хрватот имаат договори до јуни оваа година, Реал го чека расплетот на Белингем, се најавува дека можно е Крос следното лето да се пензионира.
Доколку Крос одлучи да ја продолжи кариерата, тогаш ќе потпише нов договор, што автоматски значи дека Модриќ ќе стане слободен, тврди „Марка“, но и ќе се почека да се види дали Шпанците имаат намера и во иднина да сметаат на хрватскиот репрезентативец.