Бомбици со суво овошје, лешници и чоколадо
Сувите овошки и јаткастите плодови се нераздвоен дел од традиционалната кујна на Блискиот Исток, особено во подготовката на десерти, но доста често се користат и во подготовката на медитеранските слатки. Лесно се прилагодливи со секојдневата исхрана, може да се најдат како главна состојка во многу слатки и хранливи десерти.
Состојки:
– 150 гр шеќер
– 100 гр лешници
– 100 гр суви смокви
– 100 гр бисквити
– 50 гр суви кајсии
– сок и кора од 1/2 портокал
– посно црно чоколадо
Подготовка:
Шеќерот растопете го на тивок оган со 2-3 лажици вода. Почекајте да ја промени бојата и да почне да карамелизира. Откако ќе стане проѕирен тргнете го веднаш на страна. Во него додадете малку изрендана кора од портокал.
Смоквите и кајсиите исецкајте ги на ситни коцкички или ставете ги во блендер, па додадете го сокот од портокал. Откако убаво ќе ги измешате, додадете ги во растопениот шеќер. Додадете ги мелените лешници и бисквити и соединете. Откако ќе ја соедините сместата, декорирајте со чоколадо по желба.
