– Вредностите се над функција сега и секогаш одговорност се поднесува гордо, а не со бегство во друга држава – рече пратеникот Павле Богоевски кој поднесе оставка од пратеничката функција денеска, а собранието ја констатираше.

– Не би сакал мојата функција да биде пречка за постапкаата што би се видела против мене. Не оди пратеник кој се залагал за правда да стори некое дејство и да остане на функција.Со повлекувањето сакав да упатам порака дека вредностите на Шарената револуција се живи и никој не може да ги помести – вели Богоевски.

– Збогум Никола бидејќи во оваа држава ќе бидеш добредојден само во затвор и ќе се вратиш со лисици на раце –  порача Богоевски.

На ова реагираше координаторот на пратеничката група на ВМРО-ДПМНЕ, Никола Мицевски, кој рече дека Павле Богоевски лечи фрустрации.

– Таа омраза и фрустрации кон ВМРО-ДПМНЕ оневозможуваат да ги остварувате ветувањата кон граѓаните – рече Мицевски.

Портпаролот на СДСМ, Јован Митрески, објасни дека парламентарното мнозинство ја констатирале оставката на Груевски бидејќи пратениците на ВМРО-ДПМНЕ нема да гласаат за одземање на неговиот мандат поради што и неможело да се обезбеди одземање на неговиот мандат.