Богдановиќ израмни светски рекорд и го надмина легендарниот Дражен Петровиќ
Српскиот кошаркарски репрезентативец, Богдан Богдановиќ е еден од најзаслужните за пласманот на неговата селекција во полуфиналето на Светското првенство кое е во тек. Избраниците на селекторот Светислав Пешиќ во четвртфиналната фаза на Мундобаскет 2023 успеаја убедливо да ја елиминираат Литванија.
Српскиот репрезентативец Богдановиќ блеска кога е најпотребно, а во мечот против Литванците испиша историја на светскиот шампионат.
Членот на Атланта хокс стана единствениот играч кој погоди барем по една тројка на 23-те натпревари кои ги одигра до сега во кариерата на светските првенства.
Bogdan Bogdanovic leads Serbia 🇷🇸 to the Quarterfinals becoming 20th best scorer of the #FIBAWC! 🔝 pic.twitter.com/gZNm21vVrD
— Armando Caporaso (@Facu_PCF) September 3, 2023
This is everything 💙❤️🤍#FIBAWC x #WinForSrbije 🇷🇸 pic.twitter.com/tjBMi1Y9zk
— FIBA (@FIBA) September 5, 2023
На овој начин Богдановиќ го израмни рекордот на Кирк Пени од Нов Зеланд во последните 30 години. На последното СП во Кина 2019, во четвртфиналето застана против Србија, иако беше и најдобар стрелец на турнирот.
Воедно капитенот на Србија го престигна легендарниот Дражен Петровиќ, поранешниот југословенски и хрватски репрезентативец до денеска беше на 17-та позиција на „вечната“ листа на стрелци на СП, а сега тоа е Богдан со 404 поени.
Богдановиќ е само шести кошаркар во 21 век со повеќе од 400 поени и 20-ти стрелец на сите времиња на светските првенства.