Битолчанец и се заканувал и ја тепал сопругата
Според обвинителниот акт, во периодот од 18 ноември до 1 декември лани осум пати, сега обвинетиот и се заканувал на сопругата, а и ја загрозил и сигурноста.
Основното јавно обвинителство Битола поднесе обвинителен акт против 31-годишен жител на Битола кој е обвинет за загрозување на сигурноста, за неизвршување судска одлука и за кривично дело телесна повреда.
Според обвинителниот акт, во периодот од 18 ноември до 1 декември лани осум пати, сега обвинетиот и се заканувал на сопругата, а и ја загрозил и сигурноста.
Обвинетиот продолжил да ја пресретнува и да и се заканува на оштетената иако со правосилното решение на Основниот суд Битола од 20.11.2019 година му биле изречени привремени мерки на заштита и тоа забрана да се заканува дека ќе стори семејно насилство кон оштетената, забрана да ја малтретира, вознемирува, телефонира, контактира и забрана да се приближува на растојание помало од 100 метра до работното место на оштетената.
Притоа, на 28 ноември лани ја пресретнал оштетената, и го одзел мобилниот телефон, ја удрил со шлаканици и клоци и започнал да ја трга за раката. Оштетената паднала на земја и се здобила со набиеници на лицето, левата рака и телото.