Владата има донесено одлука за субвенционирање на електричната енергија за домаќинствата до 30 јуни. Со последната одлука процентот за сунбенционирање е намален од поранешните 91,5 проценти на 84 проценти, а образложението е дека сега нема потреба од толкаво субвенционирање.

Вицепремиерот Фатмир Битиќи на новинарско прашање денеска потенцираше дека одлуката за субвенционирана струја е до 30 јуни.

– Не е точно дека субвенциите ќе се укинат од 1 јули. Има одлука за до 30-ти јуни оваа година, а секако следната влада која ќе биде предводена од Социјалдемократскиот сојуз прави одлуки во корист на граѓаните, а таква е и за субвенционирање на струјата. Ако дојде друга Влада, тогаш прашајте ја нејзе – рече Битиќи.