Барса е подготвена следното лето да се раздели со тројца фудбалери
Според „Спорт.ес“, можно е на крајот од сезоната напаѓачите Ансу Фати и Феран Торес, и крилото Рафиња да ја напуштат Барселона.
Барселона е многу блиску до титулата сезонава во шампионатот на Шпанија, но финансиските проблеми и натаму постојат, на лето повторно ќе започне борбата која мора да ја води претседателот на клубот, Жоан Лапорта.
Каталонците имаат намера да слушаат понуди за тројцата играчи со цел да соберат средства за големи трансфери во следниот преоден рок.
Во случајот на Фати, клубот ќе размисли за продажба на играчот и покрај неговата желба да остане. Ист е случајот и со Торес кој дојде од Манчестер сити за 55 милиони евра.
Барселона го смета Рафиња за играч кој не може да направи разлика, иако Бразилецот сезонава во „Ла Лига“ запиша шест голови во 25 настапи.