Американскиот претседател Џозеф Бајден направи грешка на прес-конференцијата со германскиот канцелар Олаф Шолц и рече дека „Германија ќе ја нападне Украина“.

„Прво да одговорам на првото прашање. Ако Германија… ако Русија изврши инвазија, ако нејзините тенкови и војници повторно ја преминат границата со Украина, тогаш повеќе нема да има Северен тек 2. Ќе ставиме крај на тоа“, рече Бајден.

Киев и западните земји неодамна изразија загриженост поради наводното зголемување на руските „агресивни дејствија“ во близина на границите на Украина.

Русија негира дека планира да ја нападне Украина, велејќи дека може да ги распореди своите војници каде сака на своја територија.

Во исто време, Москва бара од САД и НАТО проширување на безбедносните гаранции за деескалација на ситуацијата.