Австралиското Министерство за здравство соопшти дека веќе нема да објавува реклами на Фејсбук, како свој одговор на тоа што беа блокирани вестите минатата недела.

Ова се случува кога Австралија почнува кампања за вакцинација против Ковид-19, за чија промоција владата вложи околу 16,5 милиони евра.

„Сите наши средства ќе бидат искористени“, рече Грег Хан, министер за здравство на Австралија, и додаде дека министерството ќе продолжи да објавува други информации преку Фејсбук, но нема да ги користи за рекламирање.

Фејсбук минатата недела ги  блокираше вестите поради предлогот на валада да се воведе нов  закон со кој технолошките гиганти треба да им плаќаат на медиумите за пренесување на нивната содржина.

Предлог-законот неделава треба да биде доставен до парламентот. Фејсбук, сепак, ќе продолжи да преговара со медиумски групи во Австралија и со владата во обид да се најде решение.