Артета не заминува од Арсенал: Разочаран сум и бесен, се измислуваат работи кои можат да повредат некого
Шпанскиот стратег Микел Артета на прес-конференцијата пред утрешниот натпревар против Нотингем Форест ги демантираше најавите дека ќе го напушти Арсенал на крајот од сезоната.
Во текот на вчерашниот ден од шпанските медиуми се појави информација дека Артета ќе си замине од Арсенал на крајот од сезоната. Оваа информација пристигна по потврдите дека Клоп и Чави нема да бидат тренери на Ливерпул, односно Барселона во наредната сезона.
Сепак, информациите кои се појавија за Артета не се точни, Шпанецот категорично демантираше и порача дека се работи само за лажна вест и ништо повеќе.
„Разочаран сум и бесен. Навистина не можам да поверувам како можат да пишуваат такви работи, да лажат за мене. Не наведуваат извор и изимислуваат лаги кои можат да повредат одредени луѓе. Тоа беше лажна вест и ништо повеќе. Јас сум на место каде што сум среќен и опкружен со вистински луѓе, не размислувам за ништо друго освен за Арсенал. Не сме задоволни од нивото на кое сме сега бидејќи знаеме дека можеме подобро и ќе работиме за да напредуваме“, изјави Артета.
Totally fake news – Arteta pic.twitter.com/hAPq8EWKs9
— Arsene Wenger’s Coat (@ArseneCoat_FC) January 29, 2024
