Холивудската актерка Анџелина Џоли (47) доби улога во нов филм. Овој пат таа ќе ја глуми иконската оперска пејачка Марија Калас, која беше во врска со грчкиот милијардер Аристотел Оназис. Џоли во својата изјава рече дека оваа улога ја сфаќа многу сериозно.

– Ќе дадам сè од себе да одговорам на предизвикот – изјави Џоли откако беше објавено дека добила нова улога.

Оперската певица што ќе ја игра беше позната по нејзиниот неверојатен вокален опсег на сцената, како и по турбулентниот љубовен живот кој вклучуваше романса со грчкиот бродски магнат Аристотел Оназис, кој потоа се ожени со Џеки Кенеди, вдовицата на американскиот претседател Џон Кенеди.

– Многу сериозно ја сфаќам одговорноста за животот и наследството на Марија. Ќе дадам сè од себе да одговорам на предизвикот – рекла Џоли и споменала како долго време му се восхитува на режисерот на филмот, Пабло Ларин.

Џоли и претходно глумеше познати личности: во 1998 година ја играше супермоделот Џиа Каранги во филмот „Gia“, а во 2007 година ја играше Маријана Перл во филмот „A Mighty Heart“.

Марија Калас живеела од 1923 до 1977 година. Родена е во Америка, но има грчко потекло и дел од животот живеела во Грција и Италија. Таа не беше позната само по својот неверојатен глас, кој  ѝ помогна да стане една од најдобрите оперски пејачки на 20 век, туку и по нејзината впечатлива убавина, која ѝ донесе бројни романси.

Калас беше позната и по нејзиното жестоко ривалство со италијанската оперска пејачка Рената Тебалди.

Филмот ќе ја опфати нејзината животна приказна и ќе заврши со нејзината тажна смрт во Париз, откако страдала од проблеми со видот поради кои речиси ослепела.

Дрога, сексуална злоупотреба, насилство, уцена: Нови откритија за животот на Марија Калас

„Бело самоубиство“: Тажната љубовна приказна на големата Марија Калас

Трауматичниот брак на Џеки Кенеди со Оназис: Ја наместил да ја фотографираат гола! (ВИДЕО)