Познатиот актер откри дека сакал да изнајми човек да го убие, причината е трогателна
Актерот Џанкарло Еспосито неодамна открил дека сакал да изнајми платен убиец да го убие.
Американскиот актер, најпознат по улогата во серијата „Breaking Bad“, во емисијата „Jim&Sam“ откри дека тоа сакал да го направи поради своето семејство.
Бидејќи се наоѓал во лоша финансиска ситуација, со убиството сакал да го реши финансиското прашање. Планот бил дел од парите од животното осигурување да се проследат на неговото семејство.
– Моето размислување беше: „Еј, дали добиваш животно осигурување ако некој изврши самоубиство? Дали тие добиваат леб?“. Мојата сопруга немаше поим зошто ја прашувам. Потоа почнав да сплеткарам. Кога некој би ме убил, моето семејство би ги добило парите од осигурувањето. Имав четири деца. Сакав да имаат живот – објаснил Еспосито.
Тој истакнал дека тоа било во 2008 година и дека во тоа време бил во искушение. За среќа, престанал да размислува за тоа откако сфатил како неговата смрт ќе влијае на децата.
– Тогаш почнав да мислам дека тоа не е одржливо, бидејќи болката што ќе им ја предизвикам ќе трае доживотно, а ќе постои и траума што само ќе ја продолжи генерациската траума од која се обидувам да се оттргнам. Светлината на крајот на тунелот беше снимањето на серијата „Breaking Bad“ – навел актерот.
Најзначајната улога на Еспосито како наркобосот Гас Фринг започнала како гостувачка улога во втората сезона на популарната серија, пред да стане редовен член на актерската екипа. По „Breaking Bad“, Еспосито ја репризирал улогата во серијата „Better Call Saul“, а имал и незаборавни настапи во „The Mandalorian“, „The Boys“ и „Dear White People“.