За неколку години, вашиот автомобил веројатно ќе знае дали сте испиле премногу и може да ве спречи да возите – дури и ако мислите дека сте доволно трезни за да возите, објави Телеграф рс.

Експертите велат дека софистицираните технологии за откривање алкохол што сега се развиваат би можеле да спречат сообраќајни несреќи и да спасат животи.

Тие технологии наскоро ќе бидат потребни во секој нов автомобил: минатогодишниот Закон за инвестиции во инфраструктурата и работни места и даде на федералната влада на САД можност до ноември 2024 година, да создаде правило за тоа како ќе се имплементираат овие системи за спречување на возење во алкохолизирана состојба.

За разлика од постоечките алкотестатори, кои бараат од лицето силно да дува во устата, новиот систем автоматски ја одредува концентрацијата на алкохол кај возачот со помош на сензор во вратата или во управувачот кој го доловува здивот на лицето. Зрак од инфрацрвена светлина потоа се насочува кон молекулите во здивот.