Аеродромот во Франкфурт доби станица за тестирање од коронавирус
Многу земји директниот влез го условуваат со негативен резултат на тест направен во последните 72 часа.
Најголемиот германски аеродром во Франкфурт е опремен со станица за тестирање на коронавирус, што некои патници ќе ги поштеди од обврската за одење во карантин на одредиштата.
Проектот во понеделникот го покрена германската биотехнолошка компанија Центрогена во соработка со Фрапорт, кој управува со аеродромот и превозникот Луфтханза.
Патниците на Луфтханза при доаѓање и заминување од аеродромот ќе може да се тестираат во одвоената зграда крај терминалот до крајот на мај идната година, според сегашните планови.
Програмата би можела д апослужи како нацрт за отворање на меѓународните граници, истакнуваат во Центрогена, изразувајќи надеж дека тестирањето ќе им помогне на патниците да ги задоволат прописите на одредиштето.
Многу земји директниот влез го условуваат со негативен резултат на тест направен во последните 72 часа.
Патниците би можеле да се тестираат ден пред одењето или по забрзана постапка на самиот ден на патувањето, а резултатите се испраќаат преку дигитална платформа која ги поврзува со картата за летот, објасни извршниот директор на Центрогенеа Арндт Ролфс.
„Со отворањето на центар за тестирање им нудиме на нашите гости можност да се тестираат за летовите или за престој во Германија за да избегнат карантин“, рече директорот на Луфтханза Бјорн Бекер.