На денешен ден, 5 мај, го одбележуваме Денот на македонскиот јазик, денот кога во 1945 година е озаконета македонската азбука. На Првото заседание на АСНОМ, на 2 август 1944 година, македонскиот јазик за првпат и официјално станува службен јазик. По официјализирањето, на 5 мај 1945 година со Решение на Народната влада на Федерална Македонија е усвоена азбуката на македонскиот јазик врз принципот еден глас – една буква, азбука којашто исто така се надоврзува на претходната писмена традиција – црковнословенската кирилица, реформираната кирилица, т.н. граѓанка, како и графискиот систем што го користи Мисирков.

По тој повод ви издвојуваме неколку цитати од Блаже Конески, еден од доајените на македонската книжевност и татко на современиот македонскиот литературен јазик.

„Убавите жени, несреќните жени, тие брзо прецутувале, како цут од кајсија, како мајски јоргован.“ – Извадок од „Убавите жени“.

 

„Какви порази сме морале да издржиме, какви срамови, какви поруги. Боже, умот дури ми се свртува!“ – Извадок од „Преживување“.

 

„Два конца парај од срцето драги, едниот црн е, а другиот црвен, едниот буди морничави траги, другиот копнеж и светол и стрвен.“

 

„Смирноста е мудра, страсноста е глупа. Ќе седнам во паркот на некоја клупа.“– Извадок од „Починка“.

 

„Јазикот е нашата татковина.“

 

„Послушајте Македонци! Јазикот е единствената наша татковина. Се‘ додека го чуваме, го негуваме, го вардиме, го гледма ејазикот наш македонски – ќе може да сметаме дека ја имаме и татковината. Како куќа, како дом, како огниште. “

ФОТО | Љубовта кон македонскиот јазик ги спои Сила од Турција и Миколај од Полска