Новинарот и аналитичар Љупчо Зиков во вечерашното издание на „Само вистина“ на Канал 5 рече дека многу членови на Синдикатот за образование и наука (СОНК) се симпатизери на ВМРО-ДПМНЕ и алудираше дека постоела координација меѓу денешната одлука на синдикатот да го стави штрајкот во мирување и прес-конференцијата на лидерот на ВМРО-ДПМНЕ Христијан Мицкоски, на која тој побара од премиерот Димитар Ковачевски средба за предвремени избори.

„Моето мислење е дека денешната прес-конференцијата на Мицкоски не беше поради преговорите со Бугарија. СОНК денес јави дека го прекинува штрајкот, па некако тоа е пиарски е да се покрие тој дел, затоа што многу членови на Синдикатот се дел од ВМРО-ДПМНЕ и нивни симпатизери и детектирано е по која линија штрајкот идеше. Мицкоски мораше да го покрие тоа со некаква нелогична прес-конференција, рече Зиков.

Зиков вели дека не знае како ќе настапи Мицкоски откако Ковачевски денеска го одби неговио ултиматум.

„Преостануваат некакви демонстрации, „некои терористички напади или вирус“ да ни пуштат, да не ме сфати сериозно јавноста. На крајот на денот ВМРО-ДПМНЕ не кажува ништо ново со ова. Тие имаат легитимно право на протести. Целта на опозицијата во овој момент не е подобрување на економската и политичката состојба, ниту решавање на спорот со Бугарија, туку само како побрзо да дојдат на власт. Лидерството на ВМРО-ДПМНЕ е под притисок на претходните на партијата кои се осудуваат, додаде тој.