Ако веќе некое време немате желба за сексуални односи веќе, тоа укажува на потенцијално намалување на сексуалниот нагон. Постои едноставен начин да го запрете натамошното опаѓање на либидото – со храна, пишува „Тајмс оф Индија“.

Вашите емоции, физичкото и менталното здравје се само дел од факторите кои влијаат на вашата желба за секс. Расположението можете да го подигнете со јадење одредени намирници, кои се релативно достапни.

Брокула

Ако сакате да го зголемите либидото, тогаш консумирајте брокула, која е богата со витамин Ц. Додадете ја во салата или најдете начин да ја вклучите во вашите редовни оброци – сирова, пржена, варена.

Брокулата е една од најдобрите намирници за зајакнување на либидото кај жените, но и кај мажите. Таа го зголемува протокот на крв.

Каранфилче

Каранфилчето може да се сервира на различни начини – може да го додадете како зачин во разни јадења, но може да го приготвите и како чај.

Каранфилчето со векови се користи во Индија за машка сексуална дисфункција, а подеднакво е добро и за жените.

Едно истражување, објавено во списанието „Би-ем-си комплементари енд алтернатив медисин“, покажа дека екстрактот од каранфилче ја зголемува сексуалната активност кај машките стаорци.

Покрај тоа, каранфилчето се користи против лош здив, што дополнително ќе ве поттикне да се бакнувате.

Смокви

Смоквите важат за одлични засилувачи на лачењето на феромони и овошје кое позитивно влијае на плодноста.

Смоквите имаат висок процент на амино киселини, кои го поттикнуваат либидото.

Исто така, тие можат да ја зголемат машката сексуална издржливост.

Шафран

Истражувачите од Универзитетот Галф открија дека шафранот може да ја подобри сексуалната функција.

Шафранот треба да се потопи во врело млеко или вода и да се пие по 15 минути.

Јајца

Јајцата се богати со витамини Б5 и Б6. Тие поддржуваат балансирање на хормоните и намалување на стресот, кои се неопходни за здраво либидо.

Јадењето сирови кокошкини јајца непосредно пред секс може да го зголеми либидото и енергијата. Тие се нискокалорични и богати со протеини, кои се извор на физичка сила.

Тие се и добар извор на ларгинин, аминокиселина која се покажала како корисна во лекувањето на разни срцеви заболувања и еректилна дисфункција.