Фудбалските репрезентации на Бразил и Англија во март ќе одиграат пријателски натпревар на „Вембли“ во Лондон, пренесува „Ројтерс“.

Како што пренесуваат првите луѓе на бразилскиот фудбал во своето соопштение, целта е нивната најдобра репрезентација секогаш да игра против поранешните светски шампиони, за да имаат натпревари на високо ниво.

Тоа ќе бидат први натпревари на Англија против Бразил по шест години, а последниот беше одигран во 2017 година без голови (0:0).

Според најавите Англија ќе го пречека Бразил на 23 март 2024, а само три дена подоцна Бразилците ќе тестираат против уште еден гигант, Шпанија, во Мадрид.

Бразил во втората половина на ноември годинава ќе одигра два натпревари во квалификациите за СП 2026 година, против Колумбија и актуелниот светски првак Аргентина.