Загрозена безбедноста на Твитер, обвинуваат поранешни вработиени во компанијата
Поранешниот шеф на безбедноста на Твитер, Питер Затко, стана дојавувач и сведочеше дека компанијата ги довела корисниците и американските регулатори за ранливости во безбедноста на социјалната мрежа.
Исто така, Затко тврди дека компанијата го потценила бројот на лажни и спам сметки на својата платформа. Тој изрази загриженост поради ракувањето со податоците на Твитер, што укажува дека голем број вработени имале пристап до чувствителни системи и кориснички податоци.
Затко исто така истакна дека компанијата не ги бришела соодветно податоците на корисниците кои ги укинале своите сметки.
Неговото сведочење може да влијае на претстојното судење на милијардерот Илон Маск во октомври, откако тој се повлече од купувањето на Твитер во јули годинава.
За потсетување, Маск склучи купопродажен договор во вредност од 44 милијарди долари, но се откажа од купувањето на Твотер откако компанијата одби да му испрати извештај за бројот на лажни и спам сметки.
За тврдењата на поранешниот шеф на обезбедувањето, самата компанија соопшти дека наводите на Зат се неточни и неконзистентни. Понатаму изјавија дека во јануари добил отказ поради неефективно водство и слаби перформанси.