После освојувањето на бронзата во Европската сребрена лига за одбојкарите и настапот на младите одбојкарки на Европското првенство кај нас, време е за клупскиот репертоар на македонската одбојкарска сцена.

Вкупно 29 клубови на сениорско ниво веќе ја кренаа завесата на 31 сезона, во која Струмица Никоб и Работнички Скопје ќе ја бранат двојната круна од лани. Есенскиот дел од првенството ќе трае до средината на декември, а во двете најсилни конкуренции потоа ќе се игра втората фаза со шесте најдобри екипи кај мажите и четирите кај жените.

Нема промени во насока на натпреварувачкиот систем што значи дека во Првата лига (мажи) се планирани 11 кола есенва, односно секој ќе игра со секого по еднаш, а во Првата лига (жени) ќе има двокружен систем со вкупно 14 кола. Тоа важи и за Втората лига (жени) со напомена дека во неа ќе има 18 рунди затоа што учествуваат 10 екипи.

Одбојкарките на Работнички Скопје се радуваа во првиот меч за сезоната 2022/23, на гостувањето кај Струмица жени. Победата со 3:1 најавува дека и овој пат тие се главни кандидатки за освојување на пехарите.

Прва лига (мажи)
Прво коло

Петровец – Штип УГД (сабота 13.00)
Универзитет во Тетово – Лирија (сабота, 18.00)
Шкендија – Либеро (сабота, 18.00)
Сушево – Весна Пробиштип (сабота, 18.30)
ГОК Борец – Македонија Џио (сабота, 19.00)
– Слободна е екипата на Струмица Никоб

Прва лига (жени)
Прво коло

Струмица – Работнички Скопје 1:3 (17:25, 25:23, 18:25, 12:25)
Фит фан волеј – Македонија Макс (сабота, 13.00)
Наковски волеј – Вардар ЕМ (сабота, 18.00)
Јанта волеј – Вардар (понеделник, 18.00)