На натпреварот од катарското првенство меѓу екипите на Ал-Рајан и Ал-Вакраха, играчот на гостинската екипа Усман Кулибали колабираше на теренот, по што лекарскиот тим мораше да го оживее. Информациите велат дека тој преживеал и моментално е во стабилна состојба.

Во финишот на првото полувреме фудбалерот од Мали колабираше на теренот, а сцените додека се тресеше беа застрашувачки. Играчите на двете екипи веднаш викаа до лекарскиот тим да реагира кој го реанимираше.

Неколку минути подоцна на стадионот во Доха пристигна брза помош, а играчите на двата тима со неверување следеа што се случува, додека дефанзивецот беше пренесен во болница.

Неговиот клуб Ал-Вакраха објави дека Кулибали за среќа е добро, во стабилна состојба и е задржан во болница поради дополнителни тестови.

Инаку, натпреварот не продолжи и беше прекинат по првото полувреме при водство на домашните од 1:0.

Ousmane Coulibaly, jugador del Al Wakrah, se desplomó durante el juego ante Al-Rayyan, dentro de la liga de Qatar.

Múltiples reportes apuntan a que el defensa ya se encuentra estable.

Últimamente algo extraño está sucediendo con los futbolistas.pic.twitter.com/nhVQ8UJBsO

— Reino Futbolero ⚽️ (@reinofutbolero_) January 8, 2022