Водителот на Греми предизвика реакции во јавноста поради „невкусни“ шеги за време на шоуто
Водителот на овогодинешното доделување на Греми наградите, комичарот Тревор Ноа предизвика бурни реакции во јавноста со неговите шеги.
37-годишниот Ноа, го отвори шоуто споредувајќи ги Греми наградите со неодамнешните политички немири во Капитол, зборуваше за кокаин, се шегуваше за глобалната пандемија и за британското кралско семејство, па многумина реагираа дека ова се прилично контроверзни изјави за ваков вид на настан.
View this post on Instagram
„Јас ќе бидам вашиот домаќин вечерва славејќи ја музиката од последните десет години што нè забавуваше во последните десет години од коронавирусот… Знам дека помина само една година, но изгледа како да поминале десет“, се пошегува Ноа.
Водителот започна со објаснувањето дека шоуто ги следи здравствените протоколи, шегувајќи се дека „ова ќе биде едно од ретките доделувања на награди каде белите работи во носот на ѕвездите се памучни брисеви“.
Such an honour! Thank you. ?? #GRAMMYs pic.twitter.com/0VmN7mwZgc
— Trevor Noah (@Trevornoah) March 15, 2021
Имено, комичарот не можеше да изостави некои од скандалите кои ја тресат светската јавност изминатиов период, па атмосферата на доделувањето на музичките награди ја опиша како „понапната од онаа што владее меѓу членовите на кралското семејство“.
Trevor Noah is so unfunny that I feel that his fame and ubiquity is a THE GAME-scaled prank on me specifically.
— john (@johnsemley3000) March 15, 2021
Но сепак, најмногу реакции имаше за неговата изјава дека „Греми наградите се најголемиот настан оваа година, освен немирите во Капитол“.
„Го исклучив преносот веднаш по шегата за нападот во Капитол. Мислите дека беше смешно? Срамота“, напиша еден корисник на „Твитер“, а други заклучија дека не е смешно да се шегуваш со луѓе кои загинаа во истите немири.
