Три деца меѓу шестемина убиени во пукањето во САД, убиецот во училиштето е млада жена
Како што објавија американските медиуми, тешко вооружена жена на возраст од 28 години убила шест лица, вклучувајќи три деца. Таа потоа била убиена од полицијата. Тоа го потврди и полицијата на Метро Нешвил во објава на Твитер.
Противпожарната служба на Нешвил на Твитер објави дека има „повеќе повредени“.
Пукањето се случило во училиштето Ковенант.
Противпожарната служба соопшти дека одговориле на „активен агресор“, но не дадоа никакви детали. Други детали за пукањето засега не се достапни.
Во училиштето Ковенант имало околу 200 ученици од предучилишна до шесто одделение и било основано од Презвитеријанската црква во 2001 година, според веб-страницата на училиштето.
Претседателот Џо Бајден го нарече пукањето во училиште во Нешвил, во кое загинаа шест лица, меѓу кои три деца, „срцепарателно, најлошиот кошмар на едно семејство“.
Претседателот рече дека треба да се направи повеќе за да се запре оруженото насилство.
„Тоа ги распарчува нашите заедници“, рече тој.
Бајден додаде дека треба да се направи повеќе за да се заштитат училиштата“.
„Време е да почнеме да напредуваме“, рече тој.
ВИДЕО: Во вооружен напад во христијанско училиште во САД загинаа најмалку три деца