Во Тексас загина инструктор по падобранство, при скокот не се отворил падобранот
Инструктор чиј падобран не се отворил загинал при скок од авион во саботата, соопшти падобранскиот центар „Скајдајв Хјустон“.
„Скајдајв Хјустон и целата заедница за падобрани длабоко жалат за загубата на нашиот инструктор и пријател“, соопшти компанијата.
Скокнале заедно со ист падобран
Трој Гидри, шериф на округот Валер, изјави за Си-Ен-Ен дека клиентот и нејзиниот инструктор извршиле заеднички скок со истиот падобран во близина на градот Валер, северозападно од Хјустон, во саботата попладне, и дека „падобранот не се отворил“.
Тој додаде дека и двајцата се пренесени во болница во Хјустон, а жената е во критична состојба. Причината за несреќата се истражува.