Во тек е полициска акција во селото Крушопек, Сарај, каде запленети се 1,3 тони кокаин, пренесуваат медиумите. МВР потврди дека во моментов има голема полициска акција во Крушопек, каде моментално се врши претрес, но засега не соопштуваат за количината на евентуално запленетата дрога или уапсените лица.

Првичните информации велат дека пратката прво стигнала од Америка во Бар, Црна гора, а потоа требало да се транспортира во Копер, Словенија.

Од засега непознати причини рутата е сменета и пратката завршила во Крушопек.

Полицијата потврди веста дека во тек е полициска акција која според МВР се спроведувала по наредба на јавен обвинител и по наредба на судија на претходна постапка.

Неофицијално, таа е насочена кон неколку локации во селото за кој се верува дека имало складирано заради дрога.