Главна тема во изминатиот период во француските спортски медиуми е Килијан Мбапе.

Прво се започна со информациите дека Мбапе не бил среќен и дека сака да го напушти ПСЖ веќе во јануари. Подоцна самиот фудбалер ги демантираше таквите најави, а од вчера се актуелни наводни нови информации за договорот на Мбапе.

„Ла Парисиен“ објави дека Мбапе за три години ќе добие бруто примања од ПСЖ во износ од 630 милиони евра. Објавено беше дека годишната плата на францускиот играч е 72 милиони евра, а не 50 милиони како што беше првично наведено, додека бонусот за потпишување на договорот бил 180 милиони, што е за околу 80 милиони повеќе од претходно објавената сума.

ПСЖ ги демантиршае ваквите информации.

„Клубот може да потврди дека приказните во медиумите се погрешни и ниту еден детал не е точен“, стои во клупското соопштение.

Познатиот италијански новинар Фабрицио Романо од свои извори дознава и дека во ПСЖ ќе го тужат францускиот весник.

Paris Saint-Germain have denied French press stories on Mbappé’s contract worth €630m gross in 3 years. 🚨 #PSG

“PSG confirms story is completely wrong with not a single detail being correct”, statement says.

Been told Paris Saint-Germain are also considering all legal action. pic.twitter.com/0ZpPAb88DR

— Fabrizio Romano (@FabrizioRomano) October 24, 2022