Полска приведе двајца Руси кои дистрибуирале пропагандни материјали на „Вагнер“ низ неколку полски градови, изјави министерот за внатрешни работи Мариуш Камински.

„Агенцијата за домашна безбедност идентификуваше и приведе двајца Руси кои дистрибуираа пропагандни материјали на групата „Вагнер“ во Краков и Варшава“, напиша Камински на платформата за пораки Икс.

Двајцата се обвинети, меѓу другото, за шпионажа и се уапсени од страна на полицијата.

ABW współdziałając z Policją zidentyfikowała i zatrzymała dwóch Rosjan, którzy w Krakowie i Warszawie kolportowali materiały propagandowe Grupy Wagnera. Obaj usłyszeli zarzuty, dot. m. in. szpiegostwa, i trafili do aresztu.

Wkrótce więcej informacji.#SkutecznieChronimyPolskę

— Mariusz Kamiński (@Kaminski_M_) August 14, 2023

Низа постери со логото на руската приватна платеничка група „Вагнер“ се појавија на улиците на Краков, објавија во саботата полските медиуми. Во последните неколку недели, руските платеници од групата Вагнер се појавија на границата со Белорусија, што полскиот премиер Матеуш Моравјецки го прогласи за обид за дестабилизација на источното крило на НАТО.

Полското Министерство за одбрана најави испраќање дополнителни сили на таа граница.