Во Еквадор уапсен шефот на озлогласениот картел Лос Лобос
Полицијата во Еквадор соопшти дека го уапсила наводниот водач на Лос Лобос, моќна криминална организација специјализирана за трговија со дрога. Мажот, идентификуван како Хаиме С.Ц. бил вооружен и носел голема сума пари кога полицијата го запрела неговиот луксузен автомобил во пристанишниот град Пуерто Боливар.
Вооружени лица за кои се верува дека припаѓаат на неговата банда отвориле оган додека полицајците го префрлале Хаиме С.Ц. во полициската станица. Во престрелката е повреден еден полицаец. Подоцна биле застрелани и војници назначени да го чуваат полицискиот штаб каде што бил затворен осомничениот, пишува Би-Би-Си.
INFORMAMOS ||
Esta tarde, en Puerto Bolívar #ElOro, durante un operativo policial de apoyo a las @FFAAECUADOR, se capturó a un presunto líder del G.D.O. "Los Lobos".
Varias personas con la intención de evitar la aprehensión del implicado, realizaron disparos contra los… pic.twitter.com/HzXBU6zQXn
— Policía Ecuador (@PoliciaEcuador) November 27, 2023
Полицијата навела дека Хаиме С.Ц. имал со себе 13.500 долари, чие потекло „не можел да го објасни“. Лос Лобос (Волци) има околу 8.000 членови и стана една од најмоќните криминални организации во земјата на Андите. Многу членови се во затвор, но бандата продолжува да дејствува зад решетки и е обвинета за поттикнување на некои од најкрвавите затворски немири во Еквадор.
Се верува дека бандата е поврзана и со мексиканскиот картел Халиско Нова генерација (ЦЈНГ), за кој шверцува кокаин од Колумбија преку еквадорските пристанишни градови во САД и Европа. Еквадор беше зафатен од бран насилство за време на кој стапката на убиства се зголеми за четири пати меѓу 2018 и 2022 година.
Даниел Нобоа, кој во четвртокот положи заклетва како нов претседател на земјата, вети дека ќе се справи со шверцот со дрога и ќе ја ослободи земјата од контролата на бандите. На неговиот прв цел ден на функцијата, тој ја укина политиката со која се дозволува поседување на мали количества дрога, тврдејќи дека ја поттикнала микро-трговијата во училиштата и „создала цела генерација на зависници од дрога“.
