Нападите од кучиња врз поштари во Британија се зголемија на речиси 2.000 пријавени инциденти минатата година, покажуваат новите бројки. До 31 март 2023 година, имало 1.916 напади на кучиња врз поштари, објави во понеделникот Кралската пошта. Ова е зголемување од 14 отсто во однос на 1.673 пријавени напади на кучиња врз персоналот на Кралската пошта претходната година.

Некои поштари претрпеа сериозни повреди, вклучително и една жена која рече дека морала да се оперира откако била нападната од куче. Поштенската компанија ги повикува сопствениците да „преземат соодветни мерки за да обезбедат нивните миленици да не претставуваат закана за поштенските службеници преку одговорно поседување куче“.

Околу 902 напади (47 проценти) се случиле на влезната врата, 515 напади (27 проценти) во градината, патеката или дворот и 118 (6 проценти) на улица или пат.