Поранешниот грчки министер за финансии бил нападнат пред ресторан во Атина. Јанис Варуфакис е грчки економист, основач и лидер на левичарската партија Европски реалистичен фронт за непослушност (MeRA25) и поранешен министер за финансии на Грција. Тој бил нападнат и претепан од група луѓе во познатата атинска населба Егзархија, пред ресторан каде што седел со пријателите.

Според првичните информации, група луѓе му пришле на Варуфакис кој бил во ресторанот, почнале да го навредуваат и туркаат и на крајот физички го нападнале, пренесува порталот Катимерини.

Еден напаѓач го удрил Варуфакис во лицето и го повредил, поради што бил пренесен во болница каде му била констатирана фрактура на носната коска.

Партијата на Варуфакис МеРА25 објави дека тој бил подложен на „храбар фашистички напад“.