ВМРО-ДПМНЕ за излегувањето на Павле Трајанов од власта: Сите го напуштаат бродот што тоне
„Со Ахмети и слугата Ковачевски нема иднина. Сите бегаат од бродот кој тоне. Прво беше Алтернатива, а сега Демократскиот сојуз“, пишува во соопштението кое вечерва до медиумите го испрати опозициската ВМРО-ДПМНЕ.
Оттаму додаваат дека ја поздравуваат одлуката на Демократскиот сојуз да излезе од владата и ги охрабруваат и другите партии да го следат таквиот пример и да не бидат „соучесници во неспособниот систем кој ја распаѓа државата“.
„Таквата одлука е потврда дека на рати се распаѓа владината коалиција, за да на крај се заокружи и остане само „Пазар 3” коалицијата составена само од партиите обединети за тендери и криминал“, велат од партијата.
„Таквиот пакет групно ќе биде убедливо поразен на избори. Ако власта се одржува со тендери и криминал, на избори народот не се купува со криминал и тендери и тие ќе бидат поразени“, додаваат од ВМРО-ДПМНЕ.