ВМРО-ДПМНЕ реагираат на интервјуто на Спасовски: Бараат да каже зошто не распишал централна објава по возилото на Панче
Оливер Спасовски наместо да се оградува од постапката за убиствата на Панче и Вања, треба да одговори зошто МВР не презела акција за пронаоѓање на возилото на Панче, истиот ден кога добиле пријава дека е исчезнато, реагираат од ВМРО-ДПМНЕ по интервјуто на Министерот за внатрешни работи на Канал 5.
Спасовски не кажа зошто МВР три дена не реагира и дозволило возилото на убиениот Панче со кое е киднапирана Вања да се движи низ Скопје. Спасовски треба да се соочи со фактот дека МВР можела да го пронајде возилото на убиениот Панче уште на 24-ти ноември, кога за прв пат истото влегло во Скопје, а е регистрирано од системот „Безбеден град“, порачаа од опозициската партија.
Во реакцијата се бара Спасовски да понесе одговорност, бидејќи според нив, доколку Спасовски уште на 24-ти распишел централна објава по возилото тоа ќе било пронајдено и исклучено од сообраќај, убијците на Панче фатени, а до убиството на Вања воопшто немало да дојде.