Опозициската ВМРО-ДПМНЕ обвинува дека министерката за култура, Бисера Костадиновска-Стојчевска е фатена во лага оти Општина Вевчани не поднела целосна документација за покровителство на Министерството за култура на Вевчанскиот карневал.

-Срамно е Костадиновска Стојчевска како прв човек во Министерството да не знае или да не е информирана, а да излегува во јавноста со лаги и манипулации. Имено целосната апликација од општина Вевчани до Министерството е испратена на 11.11.2022 години, додека трае Годишниот конкурс за финансирање проекти од национален интерес во културата од областа за заштита на културно наследство за 2023 година, велат од ВМРО-ДПМНЕ

Додаваат дека Општината оваа и минатата година се одбиени од Министерството за финансиски средства на карневалот.

-Иако овој карневал е во постапка за конечно да влезе на листата на културно нематеријално наследство сепак од владата на СДС и ДУИ и оваа година решија да не го поддржат. Иако изминатите години, секоја година ова министерство одвојувало значителна сума од Буџетот за организација на Карневалот. И покрај тоа што Костадиновска Стојчевска го опструира карневалот, и таа не се појави изминатите денови во Вевчани, сепак општина Вевчани и градоначалникот Спасе Кочовски, заедно со покровители и љубители на карневалот успеа да го реализира овој настан.

Побараа од министерката Костадиновска-Стојчевска да се извини на Општината и на јавноста за, како што велат „изнесените лаги“, но и за игнорантскиот однос и побараа оставка.