Жена во Шпанија е вратена во живот, откако срцето не и чукало скоро шест и пол часа, а телесната температура и спаднала на 20.2 степени.

Она што е чудно, е фактот што кога се разбудила немала ниту едно невролошко оштетување на мозокот.

Весникот La Vanguardia, пишува дека Аудреј Мап, на трети ноември излегла на прошетка со својот сопруг, во близина на градот Нурија, северо-источно од земјата, но не можеле да се вратат поради обилните врнежи од снег.

Нејзиното тело смрзнало од студот. 34- годишната жена, после три часа била одведена во болница. Се претпоставувало дека е мртва, бидејќи нејзината телесна температура спаднала на 20.2 степени и срцето не и чукало шест и пол часа.

Таа се спасила после интервенцијата на двајца врвни лекари. Мап е пуштена од болница после 11 дена, без некои посериозни проблеми.

Таа е наставнича по англиски јазик, и заедно со сопругот од 2007 живеат во Барселона. Вели дека не помни што се случило со неа на трети ноември и е благодарна на лекарите кои ја вратиле во живот.