ВИДЕОИНТЕРВЈУ | Игор Антов и Виктор Бучковски: Преку зборообразувањето до нови димензии на македонскиот јазик
Зборообразувањето е начин на кој може креативно да се збогати еден јазик. Токму тоа го прават двајца современи Зборци, Игор Антов и Виктор Бучковски. Понесени од нивната љубов кон македонскиот јазик и неговата недокажана приказна, тие во вторник (02.04.2024) во 18 часот организираат панел дискусија во Музејот на македонска борба и самостојност токму на оваа тема.
„Настанот цели низ една панел дискусија да го третира прашањето на зборообразување, односно како да се збогати нашиот јазик“ објаснува Антов, кој е еден од организаторите на настанот.
Како што објаснија тие, преку дискусијата, ќе се разгледа дали постојат аспекти кои бараат освежување или модернизација на македонскиот јазик во согласност со современите теченија.
„Јазикот е жива материја, но колку ние ја практикуваме неговата живост? Ова е интересна тема каде што немора да зборуваме само за македонскиот јазик како јазик, туку и за новите зборови, кои се тие, какво влијание имаат тие врз македонскиот јазик“ објаснува Бучковски.
Целото интервју околу настанот и зборообразувањето може да го погледнете на видеото во продолжение: