Лос Анџелес клиперс оствари победи во решавачкиот седми натпревар од серијата против Далас маваерикс и така со вкупно 4:3 се пласираше во полуфиналето на Западот.

Мечот резултатски беше тесен до последните минути од третата четвртина, кога домаќинот во „Стејплс центар“ се одвои на поголема предност (100:85), која повеќе не ја испушташе до крајот на дуелот и конечни 126:111.

Со овој триумф Клиперси воедно станаа само шестата НБА екипа која ги загуби првите два меча од плеј-оф серијата на домашен терен, но на крајот се најде во следната рунда.

Во победничкиот состав се истакнаа Кавај Ленард со 28 поени и 10 скокови, потоа Маркус Морис додаде 23 поени, а Пол Џорџ со 22 поени и 10 асистенции.

За Далас уште една феноменална партија имаше Лука Дончиќ со 46 поени и 14 асистенции. Словенецот со овој учинок го урна и рекордот кој досега го држеше Леброн Џејмс. Тој стана најмладиот кошаркар откако се игра НБА кој во седмиот натпревар од доигрувањето постигнал 40 или повеќе поени. Тоа му успеа со 22 години и 98 дена. „Кралот“ Џејмс овој успех го направи со 23 години и 140 дена. Зад нив се Џамал Мареј, Оскар Робертсон и Ален Ајверсон.

Во конференциското полуфинале ЛА клиперс ќе се соочи со Јута џез, првопласираните од Западната конференција во лигашкиот дел од сезоната.

Youngest player ever with 40+ points in a Game 7:

22y, 98d — Luka Doncic
23y, 140d — LeBron James
23y, 205d — Jamal Murray
24y, 137d — Oscar Robertson
25y, 361d — Allen Iverson

He’s more than 1 year younger than the next player. pic.twitter.com/FigYYPeb24

— StatMuse (@statmuse) June 6, 2021