ВИДЕО | Забележано уникатно морско суштество кое личи на ангел
Подводниот свет се состои од најинтересни и несекојдневни живи суштества, кои постојано не фасцинираат. Ова светлечко суштество кое лебди во морските широчини, како да е од друг свет, пишува „Ен 1 Словенија“.
Снимката од ова необично мало суштество изгледа како да се работи за некое чудо од друг свет или нешто што можеби е создадено од вештачка интелигенција. Но, не е баш така.
Видеото е снимено на нашата планета, а суштеството живее во длабочините на морињата. Со дијаметар од само три сантиметри, ова животинче припаѓа на пловечките морски полжави или морски пеперутки, кое живее во студените води на Северниот Океан и на Атлантискиот Океан, а неговата животна средина се протега од површината на водата до длабочина од најмалку 500 метри.
На англиски се вика „sea angel“, што во буквален превод значи морски ангел, поради неговиот уникатен облик.
Сепак, ова суштество со латинско име „Clione limacina“, воопшто не е ангелско. Тоа е предатор кој се храни речиси исклучиво со други од својот род, како и други видови од родот на морските пеперутки.
Она што е интересно за него е што неговиот главен плен не е достапен во поголемиот дел од годината, па кога има дефицит, ова животинче гладува.
За време на гладувањето, всушност може да се намали на едвај една третина од својата нормална големина за да преживее.
Тоа е хермафродит, што значи дека има и машки и женски полови органи и може да живее до две години, освен ако, се разбира, не стане храна за предаторите, кои се главно китови и некои видови риби.
This isn’t CGI, it’s a real-life creature known as a sea angel (Clione limacina) found in the cold waters of the Arctic and North Atlantic Oceans.
Credit: Alexander Semenovpic.twitter.com/hAXTfqjIPj
— Wonder of Science (@wonderofscience) August 7, 2023