Екипата на Емполи приреди изненадување во рамки од 22. коло од Серија А и остана непоразен на гости кај Јувентус (1:1).

Изненадувањето беше најавено уште во 18-тата минута кога напаѓачот на домаќините Аркадиуш Милик заработи директен црвен картон по еден груб старт.

Имаше иницијатива Јувентус и покрај црвениот картон, но и Емполи знаеше да се закани кон голот на Шчесни. Сепак, до паузата немаше погодоци.

По пет минути игра во вториот дел Душан Влаховиќ уште еднаш ја потврди одличната форма и донесе водство за фаворитот. Но, тој гол не беше доволен за три бода на „старата дама“ бидејќи Балданзи со одличен удар надвор од шеснаесетникот на 20-тина минути до крајот погоди за 1:1.

🇮🇹 Goal: Vlahović | Juventus 1-0 Empoli pic.twitter.com/GGrQrH0VFh

— FootColic ⚽️ (@FootColic) January 27, 2024

🇮🇹 Goal: Tommaso Baldanzi | Juventus 1-1 Empolipic.twitter.com/l5tE17brOE

— FootColic ⚽️ (@FootColic) January 27, 2024

Со овој бод Јувентус дојде до 53 на лидерската позиција, Интер е второпласиран со 51, но „нероаѕурите“ имаат и два натпревари помалку.