ВИДЕО | Виљареал ги шокираше „кралевите“ на „Бернабеу“, Барса има шанса за „плус 15“
Виљареал вечерва приреди изненадување во шпанската Ла Лига и на гостински терен го победи Реал Мадрид со 2:3.
Не изгледаше дека Реал ќе има проблеми кога по 16 минути игра, Торес си постигна автогол. Сепак, тој гол не го откажа одличниот Виљареал кој во 39-тата минута го изедначи резултатот.
Само што започна второто полувреме, Винисисус Жуниор во 48-та минута донесе ново водство за „кралевите“. Продолжи Виљареал со добрата игра и по тој гол на домаќините, па Моралес на 20-тина минути до крајот одново донесе изедначување за „жолтата подморница“.
Десет минути подоцна Чуквуезе го постигна својот втор гол на натпреварот за голема победа на Виљареал и важни три бода во битката за место на позициите кои водат во Лигата на шампионите. Виљареал во овој момент е петти на табелата со четири бода помалку од Реал Сосиедад.
Овој пораз на Реал е прилика за Барселона со победа над Жирона во понеденлник да дојде до огромни 15 бодови предност на врвот на табелата.