Новата млада ѕвезда во НБА лигата, Виктор Вембанјама го предводеше тимот на Сан Антонио до победа против Феникс со 121:132. Со одличниот настап 19-годишниот кошаркар ги засени Девин Букер и Кевин Дурант.

Од самиот старт Спарси го преземаа водството кое го имаа преку целиот меч, во еден момент водеа и со 27 разлика, но сепак пред крајот Феникс изедначи на 116:116. Но, сили за некаков пресврт немаа, па Сан Антонио до крајот одново беше подобриот тим на паркетот.

Францускиот кошаркар натпреварот го заврши со дабл-дабл од 38 пеони и 10 скока, Букер исто така беше солиден со 31 поен и 13 асистенции. Дурант запиша 28 поени кои не беа доволни за успех на неговиот тим.

За Спарс ова беше нивна втора победа против Феникс во само три дена.

НБА РЕЗУЛТАТИ:

Филаделфија – Торонто 114-99

Њу Орлеанс – Детроит 125-116

Јута – Орландо 113-115

Феникс – Сан Антонио 121-132