ВИДЕО | Уште еден трипл-дабл за Јокиќ, Вембањама испиша историја во поразот на Сан Антонио
По серијата од три порази тимот на Денвер конечно успеаа да врзе и две победи во НБА лигата. Изминатата вечер на гости Јокиќ и друштвото беа подобри од Портланд со 127:119. Во овој момент Денвер е на скор од 38:19 со што направи исчекор на врвот на Западната конференција.
Никола Јокиќ одново беше главен на теренот и стигна до нов трипл-дабл од 29 поени, 15 скока и 14 асистенции. Поентерски поефикасен од него беше Портер кој уфрли 34 поени и додаде 12 скока, додека на спротивната страна Грант постигна 25 поени.
Сан Антонио претрпе пораз и на десеттиот од последните 11 натпревари. Сега Лејкерс беа подобри од нив 118:123. Овој натпревар ќе го памети Виктор Вембањама. Младата НБА ѕвезда успеа да стане најмладиот кошаркар во НБА кој имал најмалку пет поени, скокови, асистенции, блокади и украдени топки. Натпреварот Вембањама го заврши со дабл-дабл од 27 поени, 10 скока и осум асистенции.
НБА РЕЗУЛТАТИ: Атланта – Торонто 121-123, Филаделфија – Кливленд 104-97, Хјустон – Феникс 114-110, Мемфис – ЛА Клиперс 95-101, Њу Орлеанс – Мајами 95-106, Оклахома – Вашингтон 147-106, Голден стејт – Шарлот 97-84, Минесота – Милвоки 107-112, Портланд – Денвер 112-127, ЛА Лејкерс – Сан Антонио 123-118.