Tимот на Денвер дојде до четвртата победа во низа откако изминатата ноќ го победија Шарлот на гостински терен со 102:95 за кого тоа беше седми пораз во низа.

Победникот на натпреварот беше решен во третата четвртина, период кој тимот од Колорадо го доби со 30:9. Повторно лидер на Денвер беше Никола Јокиќ кој со учинок од 18 поени, 10 скока и девет асистенции одново дојде на чекор од трипл-дабл.

Ако Јокиќ не успеа, до трипл-дабл стигна Лука Дончиќ кој го водеше Далас до победа против Сан Антонио од 144:119. Словенечкиот кошаркар натпреварот го заврши со 39 поени, 12 скока и 10 асистенции. Во овој момент Дончиќ е на само 11 поени од границата од 10.000 поени во кариерата. Треба да се каже и дека кај Спарси не настапи Виктор Вембањама поради повреда.

Детроит продолжи да реди порази, а сега подобар од нив беше Бруклин со 115:125. Ова за кошаркарите на Детроит беше 26. пораз во низа.

НБА РЕЗУЛТАТИ: Њујорк – Милвоки 111-130, ЛА Клиперс – Бостон 108-145, Индијана – Орландо 110-117, Њу Орлеанс – Хјустон 104-106, Атланта – Мемфис 119-125, Бруклин – Детроит 125-115, Торонто – Јута 119-126, Шарлот – Денвер 95-102, Чикаго – Кливленд 95-109, Далас – С. Антонио 144-119, Оклахома – ЛА Лејкерс 120-129, Голден Стејт – Портланд 126-106, Сакраменто – Минесота 98-110.